മിനിക്കഥ- നഗ്നൻ

മിനിക്കഥ

യുദ്ധ വിജയാനന്തരം രാജാവും മന്ത്രിയും ആഹ്ലാദത്തോടെ നെഞ്ചുവിരിച്ച് പൂക്കൾ വിരിച്ച രാജവീഥിയിലൂടെ കൈകൾ വീശി നടന്നു. 

ആൾക്കൂട്ടത്തിനിടയിൽ നിന്നും ഒരു കൊച്ചു കുട്ടി

"അയ്യേ രാജാവ് നഗ്‌നനാണേ.... രാജാവ് നഗ്നനാണേ..."

എന്നു വിളിച്ചു പറഞ്ഞുകൊണ്ടിരുന്നു. 

രാജാവിന്റെ കണ്ണുകൾ ചുവന്നു. 

"അവനെ തൂക്കിയെടുക്കൂ" രാജാവ് അലറി, പടയാളികൾ അങ്ങോട്ട് കുതിച്ചു. മന്ത്രി രാജാവിന്റെ ചെവിയിൽ മന്ത്രിച്ചു

"രാജാ... അവൻ വളർന്ന മണ്ണ് ഇനിയും കുറച്ചുകൂടി  ഈ മഹാരാജ്യത്ത് ബാക്കിയുണ്ട്, അതുകൂടി തന്ത്രപൂർവ്വം ഇല്ലാതാക്കണം" 

രാജാവ് എഴുനേറ്റു "ആരവിടെ".. 

രാജാവ് എഴുനേറ്റപ്പോൾ മന്ത്രി ആ സിംഹാസനത്തിലേക്ക് നോക്കി ചിരിച്ചു...

പ്രജകൾ വിജയാരവം മുഴക്കി

(Bad Rich Man by Autogiro Illustration)

19/07/ 2019 ൽ തത്സമയം വെള്ളിയാഴ്ചയിൽ പ്രസിദ്ധീകരിച്ചു