നെല്ലിക്ക: റിച്ചാർലിസന്റെ ബൈസിക്കിൾ കിക്ക് മാജിക്

കളിയെഴുത്ത്

ഈ ലോകകപ്പിലെ ഇതുവരെയുള്ള ഗോളുകളിൽ ഏറ്റവും മനോഹരമായ ഗോളായിരുന്നു സെർബിയക്കെതിരെ ബ്രസീൽ താരം റിച്ചാർലിസന്റെ ബൈസിക്കിൾ കിക്ക്. സാംബ നൃത്തച്ചുവടുകൾ ഗാലറികളിൽ നിറഞ്ഞ ദിനം ബ്രസീലിന്റെ ആദ്യ കളി ലോകം ഏറെ പ്രതീക്ഷയോടെയാണ് കണ്ടത് ലോക ചാമ്പ്യന്മാരിൽ നിന്ന് ആദ്യ പകുതിയിൽ ഗോൾ പിറക്കാതെ വന്നപ്പോൾ ബ്രസീലിന്റെ ആരാധകരുടെ നെഞ്ച് തിളച്ചു മറിയുകയായിരുന്നു. ഭാഗ്യവും നിർഭാഗ്യവും മാറി മറിഞ്ഞു വരുന്ന ടീമാണ് ബ്രസീൽ. ഇത്തവണ ഏറെ യുവതാരങ്ങളാൽ സമ്പന്നമായിരുന്നു ബ്രസീൽ ആദ്യ പകുതിയിൽ സെർബിയക്ക് മുന്നിൽ അത്ര വേഗത്തിൽ ആയിരുന്നില്ല ബ്രസീലിന്റെ നീക്കം. അതിനാൽ തന്നെ നശ്ശബ്ദമായ ഗാലറികൾ, ഫിനിഷിങ്ങിൽ ഒട്ടും പെർഫെക്ഷൻ ഇല്ലാത്ത സെർബിയയുടെ അറ്റാക്കുകൾ എല്ലാം തന്നെ ബ്രസീലിന്റെ പെനാൽറ്റി ബോക്സിൽ തളർന്നു വീണു. എന്നാൽ അപ്പോഴൊക്കെ നെയ്മറും സംഘവും കിണഞ്ഞു ശ്രമിച്ചുകൊണ്ടിരുന്നിട്ടും ആദ്യ പകുതിവരെ നിരാശയായിരുന്നു ഫലം. കാസിമാറോയുടെ പാസ് നെയ്മർക്ക് ഗോളാക്കാനായില്ല.അപ്പോഴൊക്കെ സെർബിയൻ പ്രതിരോധവും ശക്തമായിരുന്നു. ചാട്ടുളി പോലെ ഇടക്ക് ബ്രസീലിന്റെ മുന്നേറ്റങ്ങൾക്ക്സെ ർബിയൻ ഗോളി മിലിങ്കോവിച് സാവിച് തടയിട്ടു. റാഫിഞ്ഞയുടെ ശ്രമവും പാഴായി. കോർണർ കിക്കുകളൊന്നും മുതലാക്കാൻ ബ്രസീലിനു കഴിഞ്ഞില്ല. രണ്ടാം പകുതിയിൽ ബ്രസീൽ കൂടുതൽ ഊർജ്വസ്വലതയോടെ ഇറങ്ങിയപ്പോൾ സെർബിയയിൽ ആ ആവേശം കണ്ടില്ല. ഫിനിഷിങ്ങിന്റെ അഭാവമാണ് ആദ്യ പകുതിയിൽ സെർബിയയെ തളർത്തിയത്. പക്ഷെ ബ്രസീലിനു വീറും വാശിയും കൂടിക്കൊണ്ടിരുന്നു. ഗാലറിയുടെ ആർപ്പുവിളികളിൽ തോറ്റുപോയാൽ എന്നൊരു ഭീഷണി മുഴങ്ങുന്നതായി നായകൻ തിയാഗോ സിൽവയ്ക്ക് തോന്നിയിരിക്കാം. അതാണ് രണ്ടാം റൗണ്ടിൽ ഇറങ്ങിയപ്പോൾ ബ്രസീൽ കൂടുതൽ അറ്റാക്കിങ് സ്വീകരിച്ചത്. ഈ കളിയിലെ പ്രത്യേകത കാനറികളുടെ നായകൻ തിയാഗോ സിൽവയുടെ അവസരോചിതമായ ഇടപെടലായിരുന്നു. 62 മിനുട്ടിൽ റിച്ചാർലിസന്റെ ആദ്യ ഗോൾ പിറക്കുന്നത് വരെ ടീം തളരാതെ നിന്നു. ഗോൾ വീണതോടെ സാംബാ ആരവമുയർന്നു. റിച്ചാർലിസന്റെതായിരുന്നു ആദ്യ ഗോൾ, ഈ ലോകകപ്പിലെ ബ്രസീലിന്റെയും. അതോടെ സെർബിയ ഏറെ തളർന്നതായി തോന്നി. സമനിലക്കായി പൊരുതുന്ന പ്രതീതി. പിന്നെയാണ് ഒരു കവിതപോലെ ആ ഗോൾ പിറന്നത് 73–ാം മിനിറ്റിൽ പെനാൽറ്റി ബോക്സിൻ്റെ ഇടതു മൂലയിൽ നിന്ന് വിനീഷ്യസ് ജൂനിയർ കൊടുത്ത ക്രോസ് ഇടതുകാലിലെടുത്ത് ,ഒന്ന് മേലേക്ക് തട്ടി ശരീരം വളച്ച് ,മലക്കം മറിഞ്ഞ്, വലതുകാൽ കൊണ്ട് ഓവർഹെഡ് കിക്ക് ചെയ്ത് വലയിലാക്കുന്നത് റിച്ചാർലിസന്റെ ബൈസിക്കിൾ കിക്ക് മാജിക്. read more https://malayalanatu.com/archives/14566

(മലയാളനാട് വെബ് മാഗസിനിൽ സോക്കർ ഫീവർ എന്ന പംക്തി ലക്കം -1)

ലോകം ഒന്നടങ്കം ആ മാജിക് ആസ്വദിച്ചു. ബ്രസീൽ വിരോധികൾ പോലും ആ സൗന്ദര്യത്തിൽ മതിമറന്നു. പിന്നെ സാംബാ ആരവമായി. വരുന്ന കളിയിലേക്ക് തയ്യറെടുപ്പ് എന്ന പോലെ നെയ്മറെയും റിച്ചാർലിസനെയും പിൻവലിക്കുന്നു. നെയ്‌മർ ഫൗളിൽ പിടിയിലാകുന്നത് ആരാധകരെ ദു:ഖിപ്പിക്കുന്ന കാര്യമാണ്. വരും മത്സരങ്ങളിൽ ഗ്രൂപ്പിലെ സ്വിറ്റ്‌ സർലന്റിനെയും കാമറൂണിനെയും ആണ് ബ്രസീലിനു നേരിടാനുള്ളത്.

ലോകം , മുഴുവൻ കാത്തിരിക്കുകയാണ്. ആ മത്സരങ്ങളിൽ ഇനിയും റിച്ചാർലിസന്റെ മാജിക്പ്രതീക്ഷിക്കുന്നു. ബ്രസീൽ ആരാധകരുടെ ആവേശം ഇരട്ടിയാക്കിയിട്ടുണ്ട് ഈ ബൈസിക്കിൾ കിക്ക്.