Sunday, 6 August 2017

യാത്ര

കവിത
 
 
 
 
 
 
 
 
 
 
 
 
 
 
 
 
  
 
(Wolvevile Painting by Caarlo Salomoni)
 
പേമാരിയിൽ 
ഒലിച്ചുപോകുമെന്നെ 
ഒരിടത്തും 
തിരയേണ്ടതില്ല.
പാറക്കെട്ടുകളിൽ 
അലതല്ലിയിളകി 
അലിഞ്ഞില്ലാതായേക്കാം . 

കൊടുങ്കാറ്റിൽ 
ആടിയുലഞ്ഞു 
പാറിപോയേക്കാം. 

അക്ഷരങ്ങൾക്കിടയിൽ 
തൂങ്ങികിടന്നേക്കാം. 
 
ചന്ദ്രനെ പ്രണയിച്ചു 
പറന്നുയരും 
ചകോരത്തിൻ 
പ്രണയന്വേഷണമല്ലെൻ 
യാത്ര. 

വേടന്റെ 
അമ്പേറ്റ 
കിളിയുടെ 
വേദനയാണ്.

വരാനിരിക്കുന്ന 
പ്രഭാതം 
എനിക്ക് കാണേണ്ട, 

കൂരിരുട്ടിൽ 
ഞാനെന്നെ 
യാത്രയാക്കാൻ 
തപസ്സിലാണ് 
------------
ഞായറാഴ്ച, സിറാജ് ആഗസ്റ്റ്‌ 2017